El chimintière d’El Madeleinne
16 - El tombe Jules Verne
El tombe Jules Verne, ch’est éne d’ches pus ermarkabe d’ech chimintière d’El Madeleinne.
Ch’tailleu d’pleume i est mouru ch’24 ed march 1905 pi i o été intiéré el 28. A ch’kminchmint, es tombe a n’est foke éne plake ed chimint aveuc ches mots-lo au-dzeur : « Jules Verne 1905 ». Adès, s’famile ale ecmande éne esculture pour el rachmer. L’esculteur Albert Roze, qu’i connaissot Jules Verne edpi ches années 1890, i avot djo esculté in buche in mabe d’ech tailleu d’pleume. A s’mort, i avot foait éne tiote médalle, éne sorte ed masque ed défuncté qu’i est toudis wardé énui din l’mason Jules Verne.
Roze i a conchu éne esculture in plate lonmée « Vers l’Immortalité et l’éternelle jeunesse ». Alle amoute ch’tailleu d’ pleume qu’i heuche l’pierre d’es tombe, sin bras i est tindu vers el tans. Ene prémière version d’chele image ed l’immuertalité pi d’el gloère litéraire, ale o été perzintée à ch’Salon d’ches artisses francés in 1907. Adès, ale o été escultée in mabe pi aplachée dzeur el tombe el mème énée. El monumint i ramintuve à éne capèle avec ses colonnes pi ses frontons. I o été dessiné par chl’architèke Edmond Douillet.
Chele tombe ale est classée à ches Monumints historiques edpi 1995.
Traduction Benjamin LEDUC pour l'Agence régionale de la langue picarde
