Ech chirque Jules Verne
« Conme qu’j’étos din ch’consel municipal d'Anmiens edpus pus d'éne énée, ch’est à mi qu’os o baillé chl’honneur ed foaire ches diries pour chl’inauguracion d’ech nouvieu chirque ech 23 ed join 1889. A mzure, el fanfare d’Anmiens ale o foait un grand concert aveuc dz’eutes sociétés d’musique d’el ville. »
A n’in croère ches jornals, chl’écriveus i o ébleui ches 3000 erbéyeus. Sin discours, qu’il o duré alintour ed vingt mineutes i o été souvint copé par dz’apleudismints pi des bravos. Jules Verne i avoét coési ed foaire varonner cheus qu’is l’acoutoétte. I voloét leu foaire maginer in voéyage alintour, eddin pi au-dsu d’chu nouvieu chirque : alintour aveuc sin portique monumintal, eddin aveuc ches manicrakes din ch’placu d’echl’annekse, pi au-dsu par in dévolage vers el coupole pi éne déchinte vers ches loges, ches étaves à kvaus, el sène pi ches gradins.
« Des keups, i nn’a qu’is ditte qu ch’est à keuse ed mi qu’ech plan-lo il o été hansé, mais cha n’est point l’vérité. Ch’est Frédéric Petit, ch’mayeus, qu’i o voulu qu’i n’y euche in chirque à Anmiens, pi ch’est Emile Ricquier qu’i nn’o été chl’architèke. Edpu 1889, chu chirque i n’o point seulmint erchu dz’espectakes ed chirque mais étou des pièches ed téyate, des concerts pi des ramonchlages ed gins.
Traduction Olivier ENGELAERE pour l'Agence régionale de la langue picarde
